Vëllaznimi ka regjistruar një fitore të rëndësishme në palestrën e vet në Gjakovë, duke mposhtur Go+ Pejën me rezultat 94–85, në një ndeshje mjaft të luftuar deri në fund.

Rezultati sipas çerekëve ishte: 16–13, 27–29, 28–15, 23–28. Çereku i tretë doli të jetë vendimtar për vendasit, të cilët krijuan një epërsi të konsiderueshme dhe më pas e menaxhuan mirë lojën në minutat e fundit, duke siguruar fitoren në kohën e rregullt.

Te Vëllaznimi më i dalluari ishte J. Hellems me 21 pikë, ndërsa Wilson shtoi 19 pikë. Kontribut të madh dha edhe Gordon me 16 pikë dhe 8 kërcime, si dhe Y. Anei me 14 pikë, 7 kërcime dhe 2 bllokada.

Nga ana tjetër, te Go+ Peja u veçuan C. Edwards me 18 pikë (8/8 nga gjuajtjet e lira) dhe 9 kërcime, A. Hajdari po ashtu me 18 pikë, S. Flatten me 16 pikë, si dhe M. Mala me 11 pikë dhe 8 asistime.

Tashmë Peja ka tetë fitore e gjashtë humbje, ndërsa Vëllaznimi shijon fitoren e pesë krahas nëntë humbjeve./Arbresh.info